أفكاري تايهة كلمات/بر محمد نور غناء/التوم حسن وقسم الله محمد طمبل (ثنائي توتي)
أفكاري تايهة
كلمات/بر محمد نور
غناء/التوم حسن وقسم الله محمد طمبل (ثنائي توتي)
مشاركة الاداء الفنان ابراهيم خوجلي
أفكاري تايهة من أوصاف عديدة
ظهرت بى قوافي وفنون جديدة
تطربني القماري البي غصنك نشيده
يا الحزت المحاسن ياالمنية الوحيدة
أنا يانور عيوني محبتي فيك أكيدة
يا الصاين جمالك حسادك تكيده
قربك لى سعادة وشوفتك لى مفيدة
اشكي ليك حظوظي وظروفي العنيدة
يا الناعسات عيونك لى عينا سهيدة
بى حالي وسهادي نجوم الليل شهيدة
ياجميل أنت جافي نيراني بتزيده
شايل قلبي عندك والروح أنت سيده
ياعقد الجواهر يا معني القصيدة
تضرب بى سهامك أرواحنا وتصيده
حبك يا حبيبي أصبح لى فريضة
يا الوصفك مكمل يا الذاتك فريدة
أنت سلبت روحي وأنا روحك بريده
شفنا الصيدة عارت من جيدك وريده
الروح تهوى ذاتك ياحبيب أنت عيده
والبدرين تهابك من حسنك بعيدة
نظراتك دواي وما منظور تعيده
لو طيفك يزورني دى الليلة السعيدة
#للانضمام لمجموعة قروبات أجمل الأمثال والاغاني السودانية 0912260227 واتس
